عتاب من امرأه كلها وفاء لزوجها المتمرد

بعد شتريد اسويلك
اصيرن شمعة وضويلك
بعد شتريد اسويلك
ابوك بشوش* واشويلك
نسيت شچنت اطبخلك وشچنت آنة احشيلك
آنة اللي چنت البخلك ومن كل الالوان اخليلك

وبالصالون اذب آلاف حتى بتسريحة حلوة اجيلك

اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شچنت اسويلك
من جنت تعطش وينكطع بوري الماي اگل لعيوني تبچيلك

واشربك من دموع العين ماي عذب يصفيلك
وك نسيت شچنت اسويلك
من چنت تتگلب وماتنام الليل آني اسهر وألوليلك*
والظهرية من تطفي الكهرباء أني اعرگ واهفيلك*
واذا بليلة مسج دزيت
ألم فلوس الكارت واعبيلك
ومن چنت تزعل علي جيش مشاية اوديلك
نسيت شجنت اسويلك
من اجيتني بطرگ دكان تبيع بي مصاصك ومساقيلك*
گلت رجلي وراعي بيتي
واجب علي لو ينكسر ظهري اشيلك

وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات

صرت آني وجهالي كلشي مانعنيلك

ومن اطلع اشتري خضورات تغافلني وتروح تلعب بذيلك

رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك

واليوم....اجيت إلي ندمان تطلب سماحي وتتوسل اجيلك
تقشمرني بكلمة احبچ
من حبتك حية بعد ما يعبر علي فيلك*

شحسبالك احنة بالمكسيك؟
لو انتة بمدبلج وتتفنن بتمثيلك
ما ارجع الك لو حتى تبني قصور روح بعيد انتة وكفشتك* وتواسيلك

تگلي بحقچ چنت آنه غلطان
من گبر اللي لفك ووجعة التشيلك

وانشالله التاج محل رحلتي تكون
وانت لأبو غريب يصير ترحيلك

وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصري واغنيلك

اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك

منقووووووووووووووووووووووول
*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول[flash][/flash]

تغيب عنى ما شئت فلن اشتاق ولن احتار ...................واختر غيرى ان شئت لعلك فى لم تصب الاختيار.
لم افهمك ولم تفهمنى كلانا غامض الاسرار.. أى عشق هذا وأى حب تخبى لنا الاقدار.
تغيب اياما وشهورا ولا تبالى فى شخص تقتله لحظات الانتظار وتأتى بحنين مزيف وتراوغ كا الثعلب المكار .
تنتقى كلمات استرخاء مفعمه باكذب والاعذار .....كم ألوم قلبى على سوء اختيار ..اليك الان اترك المشوار......فما تريد واضح وضوح النهار ...
يامن لا تقدر سنين عمرى فيك .......................انذب حظى على سوء اختيار.

ياعيني شكد مضحية هاي المرة

كلش حلوة

عاشت الايادي

ههههههههههههههههههههههههههههههههه هاي مو عراقية اكيد عراقية

اسفة شوفلك غيري تكنسلك وتطبخلك وتكويلك
وتسويلك ولو ذرة من الچنت آنة اسويلك

هههههههههههههههههههه هو يكنس عود ويطبخ

ههههههههههههههههههههههههههههههههههههههههههههههههه
حلوة

هع