ضيفة كرسي الآعترآف نائبه المدير █▒SARA 88▒█ الكل يسئل ضيفتنا الغالية

تَحيّه مُعَطّرَه بِمَآء الورد لأعضَآءْنَآ وزُوَآر منتدانا الكرام ..

وكَمَآ جَرَت العَآدَه سَنَستَضيفُ فِي هَذآ القسم

الرآئع عضو تَميّزَ بِرُدودِهِ وَ رَحَآبَة صَدرِهِ,

سَنَتَعَرَف عَلَى بِطَآقَتِه الشّخصّيَه ,

هِوَآيآتِه , طُمُوحِه , وأحلآمِه

ضيفتنا تميزت بسرعه البرق

وخطفت الاضواء باجتهاادها..

وتفاعلها ونشاطها الملحــــــــــــوظ بااقساااام

المنتــــــــــــــدى

أطلت علينا بسحرها فأضاءت أرجاء منتدانا الحبيب ..

واصبحت نائبه لمدير المنتدى واصبحت لانستغني عن اطروحاتها وردوها..
ولكنها اختفت فترة وهي فترة العطله بسبب السفر
ولا اخبأ عليكم ان المنتدى افتقدها

ولكنها الان عادت ذات الروح المرحه
والممتعه التي تعد من اوائل الذين ساهموا في نجاح المنتدى

وهي سجلت في المنتدى بعد افتتاح المنتدى بأسبوعين فقط

ولا انكر انها سبب من اسباب نجاح المنتدى

وَ سَنَغُوصُ مَعَها في بَحرِ شَخصّيتِهِا لِنَعرِفَ

مَدى قُدرَتِهِا عَلَى تَحمُلِ أسْئِلَةِ ضيوفِها ..

رحِبّوآ مَعَي بالمتميزة ..

نائبه المدير

~.SARA. 88 ..~

فلتتفضل النائبه سارة الى كرسي الاعتراف لمنتدى الكليه التقنيه الاداريه

بإنتِظَآر اسئلتكم للنائبه

[/b][/center]

والله ياعلاوي خجلتني بهل مقدمة انت اكيد سبب نجاحنا
واحنة كلنة بخدمة المنتدى
واني جاهزة للاسئلة بس اخذتني غفل

السلام عليكم ورحمة الله وبركاته
الاخوة الاعضاء والزوار متابعي العضوة sara في كل مكان :
العضوة المتميزة sara 88 :

قبل البداية اقول الحمد لله على سلامة العودة اخت سارة واتمنى ان تكوني في تمام الصحة والسعادة
بدايةً اني عندي اربع اسألة بس بأمكانج الاجابة على ثلاثة اسألة اذا اكو سؤال يضايقج
وهي :

1 : هل تقبلين ان يكون شريك حياتك في يوم من الايام رجلاً مدخناً ؟؟
2 : ماهي العبارة او المقولة التي تؤمن بها sara 88 ?
3 : اصعب منظر شاهدته sara 88 وتتمنى ان لا يعاد ... ماذا كان ؟؟
4 : هل من الممكن ان ترتبط sara 88 في يوم من الايام بشخص لا يتعدى تحصيله الدراسي المرحلة المتوسطة ؟؟

ختاماً اتمنى ان لا اكون قد تدخلت ضمن خصوصيات النجمة sara او طرحت اساله لا تحب الكشف عنها واشكر الاخت سارة لصراحتها والاخ علاء لاتاحتي هذه المساحه لطرح الاسألة
كل التقدير والاحترام للجميع
احمد I-T
مشرف المنتدى الادبي

عليكم السلام والرحمة
الله يسلمك اشكرك
اما بالنسبة لاسئلتك
1/مستحيل اقبل بشخص يدخن واذا اضطريت وقبلت فلازم يترك التدخين
2/أكثر شي اامن بي هو ميت صديق ولا عدو واحد
3/اصعب منظر شفتة هو عاصفة ترابية كلش قوية بالحدود الاردنية ومن قوتهة حتى السيارات والناس رادت تنجرف وياها لولا لطف الله سبحانه اتمنى مينعاد هلشي لان كان كلش مخيف
4/اني ممرتبطة باي شخص ومستحيل ارتبط بشخص ممتعدي المرحلة المتوسطة لان العلم اساس كل شي

وشكرا على اسئلتك
وهاي اجوبتي وبكل صراحة

شكراً سارة على صراحتج .. وشكراً للاجابه على الاسالة

العفووو وتتدلل

اشلونج حبيبتي الف مبروك على الكرسي والله تستاهليه واكيد حصلتي عليه بمجهودج واتمنى الج الابادع الاكثر
س1/شنو احلى فترة اومرحلة عشتيها بحياتج.
س2/منو اكثر شخص تحبيه .
س3/اكلتج المفضلة.
س4/لون المفضل الج.
س5/اعز صديقة الج
وشكرا........

بخير حبيبة كلبي اني بخير دام اشوفكم بخير
والله يبارك بيج اني الي اريدة رضاكم ومحبتكم وصداقتكم هاي تسوة عندي الدنيا والي بيهة
اما بالنسبة للاسئلة
1/احلى مرحلة عشتهة هي الثالث كلية لان كلش جانت حلوة اتعرفت بيهة على اصدقاء كلش هواية وهذا اكبر مكسب بهل حياة.
2/اكثر شخص احبة هو عمي
3/اكلتي المفضلة هي الدولمة شي اكيد
4/اني احب كل الالوان الفرحة بس اكثر لون احبة هو الوردي
5/همة بصراحة اكثر من وحدة وموجودات بيناتنة وهمة الموناليزا وجلنار وششو ايزو

ياريت تكون اجوبتي عجبتج واذا تريدين الج حق تسالين بعد
سلامي وتحياتي

منورة كرسي الاعتراف يا سارة
سؤالي الك يا سارة
كلمه شكر وامتنان لمن توجهيها

هلو سارة منورة
1_ كم ساعة باليوم تقضيها عالنت؟
2_هل تستطيع الغربة ان تغير مشاعرج تجاه بلدك ؟
3_ماهو الموقف المؤثر في حياتج ... وكلما تذكريه تنــزل دموعج ؟
4_من اقوى في المشاعر الرجل أو المرأة؟؟
5_هل تعترفين بأخطاءك..؟؟
6_متى شعرت بألندم ولماذا ؟
7_اجمل قصيدة قرأتها و لمن و ماهو مطلعها ؟
8_ما هو رأي ساره بالجمال ؟ و هل هو ذو اهمية لصاحبه ؟
مع تحياتي واحترامي
عمر ابن الدورة

هلاووووو سوسة حبي ....طبعاانتي صديقتي العزيزة واوجهلك مليون تحية وحبيت اسألك ....شنو رأيك بلكذب وبلأخص بلأنسان الكاذب والي لسانة ينطق بغير مافي قلبة ؟؟؟؟؟وممكن تسامحين الشخص الي كذب عليك ؟؟؟؟؟؟؟ وهاي هية بعد شسأل كلشي اعرف عنك هههههههه وتحياتي جلنااااااااااااااااااار 2:.

السلام عليكم ورحمة الله وبركاته

اختي الكريمةسارة أنتي بين اهلك وناسك ويارب
اتكونين مرتاحة هوايه على الكرسي الرائع
هذاالي انتي عليه
وهسه راح نبداَ باالاسئله وياك ياسارة الوردة
_ ماالذي وجدتيه هنا بمنتدى الكلية التقنية الادارية منذ اليوم الاول لدخولك له ولحد الان
2 _ لماذا اخترت اسم سارةولم تختاري أسم مستعار للدخول للمنتدى
3 _ من هو مثلك الاعلى بالحياة
_ ماهي اكثر شخصيه بالمنتدى تعجبك مواضيعه وتحبين ان تردي عليها
5 _ ممكن ان تحجين لنا عن طفولتك وشلون كانت
هل كنتي طفلة شقية ام هادئة
6 _ ماهي هواياتك ممكن ان نتعرف عليها
_ موقف حزين مررتي به ودائما تتذكريه وماهوهذا الموقف
8 _ ماذا يعني لك كل من
ا _ الاب
ب _ الام
ت _ الاخ
ث _ الاخت
ج _ الحبيب
ح _ الصديق
اتمنى مااكون أثقلت عليك بالاسئله اختي الغالية سارة
وكل الهلا بيج مرةاخرى ومنورتنا
تحياتي لكي وردة
اخوك الحســــــــــــني حســــــــــــــن

يااحلى شباب بهل دنيا اني اعتذر لان مداارد على اسئلتكم بس باقرب وقت رحارد على كل الاسئلة
وشكرا لان دتتواصلون وياية وادري من محبتكم الية تريدون تعرفون كلشي عني
سلامي وتحياتي للجميع بدون استثناء

هلوووو *¨*شـمــؤخـ آمــرآهـ*¨* طبعا انتي النور كلة
وشكرا على سؤالج وكلمة شكر وامتنان لكل شخص علمني ولو كلمة ولعلاء العزاوي لان هو سبب من اسباب تعرفي على اصدقاء حلوين وحبوبين مثلكم

هلووو عمر ابن - الدورة شكرا لاسئلتك وجوابي هو: 1-اني كل يوم اكعد علانترنت اقل شي ساعتين بين اقرة بحوث وبين بالمنتدى وهكذا 2-عمرهة الغربة مكدرت تغير مشاعري تجاه بلدي يبقى العراق حبي الاول والاخير 3-اكثر شي مؤثر بحياتي وكلما اتذكر ابجي هو وفاة شخص عزيز علية 4-بصراحة اقوى شي بالمشاعر من الجنسين مو شرط يكون رجل او امراة ترجع لشخصية كل واحد 5-بصراحة مرات مااعترف باخطائي ومااريد اتذكرهة ومرات اعترف 6-اجمل قصيدة قريتهة هي من ضمنهة اكو بيت يكول حييت سفحك عن بعد فحييني يادجلة الخير ياام البساتين
اما بالنسبة للجمال فالله جميل يحب الجمال بس مو جمال الشكل بس اهم شي جمال الروح والاخلاق
وهاي اجوبتي وبكل صراحة وتحياتي الك وللجميع

اما بالنسبة الج ياصديقتي وحبيبتي جلنار
اني اكره كل شخص يكذب ومنافق احب الي بكلبة يكون على لسانة ماكو احلى من الصراحة

بقة اخوية وصديقي الغالي حسن الحسني
ولو اسالتك تموت وكلش طويلة بس تتدلل بس مو اليوم على باجر لان هلكت اليوم
ولو انتو تستاهلون مني اكثر

شكرآ ساره على صراحتج وشكرآ على للاجابة على الاسئلة ..... تحياتي واحترامي ضيفة كرسي الآعترآف نائبه المدير █▒SARA 88▒█ الكل يسئل ضيفتنا الغالية

العفووو عيوني هذا اقل من واجبي تتدلل

احممممممممم
هلو شلع طبعا مثلا
الجماعه مقصرو بالاسئله
سوالي هو
1- شنو هدفج بالحياه

2- شنو رئيج بكثره الاصدقاء

3- اكثر استاذ بقسمنا تحبي

4- تلبسين نظاره حاسبه هع

وشكرا واسف للاطاله

اني مراح اوجه اي سؤال
بس اكول الله يخليج لاهلج ويحفظج الهم
بنيه اخلاق ومحترمه نفسه ووجه يضحك
الله يحفظج

1- انت اي مرحله
2- باي سنه داومتي بالكليه
3- هل كليه التقنيه الاداريه تلبي طموحك
شكرا جزيلا

هلوووووووووووووو شباب منورين المنتدى اليوم رحاكمل بقية الاسئلة واشكر كل واحد سالني لان هذا دلالة على اهتمامهم الزايد وحبهم بانو يتعرفون على شخصيتي اكثر

اول شي نبدي بحسن الحسني واسئلتة لهواية
هلوووووو حسن
بالنسبة لسؤالك عن المنتدى فاني لكيت شي ملكيتة خارجة هو الاصدقاء وحبهم للتعلم والتواصل
اني اختاريت اسم سارة لان هذا اسمي ومااخاف من شي حتى اغيرة واريد الكل يعرفوني مابيهة شي
مثلي الاعلى بالحياة هو النبي محمد عليه الصلاة والسلام لان بدة من شخص واحد وصار امة
تريد الصراحة احب ارد على كل الاعضاء لان كل واحد متميز بشي معين
بالنسبة لطفولتي جنت كلش وكحة بس مو بخباثة وكاحة حلوة
بالنسبة لهواياتي اكييييييد الدراسة احب اتعلم كلشي مااحب اكعد بمكان واني مااعرف اسوي شي لان احس هذا عجز وماارضة بي وخصوصا اي شي يخص الكومبيوتر
بالنسبة لاخر سؤال كل الاشخاص الي ذكرتهم مهمين بحياتي ماعدا الحبيب لان ممتوفر حاليا ههههههههههههه
سلامي وتحياتي الك

وهسة نجي لصديقنة العزيز والغالي علينة hussainiso

1-هدفي الحياة انو اصير شي مهم وان شالله يتحقق هلشي
2-والله اني احب يكون عندي اصدقاء واهم شي عندي الف صديق ولا عدو واحد
3-اكثر استاذ احبة هو استاذ وليد لان انسان مثقف واحب اتعلم منة
4-والسؤال الاخير اني نهائي ماالبس نظارات ونظري ستة على ستة
تحياتي الك وللجميع

(مثلي الاعلى بالحياة هو النبي محمد عليه الصلاة والسلام لان بدة من شخص واحد وصار امة)

اعجبت كل الاعجاب بهذه العبارة التي قلتيها اخت سارة
بارك الله بيك

هسة وصلنة لصديق وشخص يمكن مصارلي هواية متعرفة علي بس مبين علي شخصية حبوبة وطموح ومؤدب المهم مااريد اصبغ بالولد لان هاي حقيقتة
واكلة هواية اشكرك على الي كتبتة عني واكيد هذا من ذوقك وحسن اخلاقك

وبارك الله بيك انت هم يااحلى اخ شكرا للمرور

بقالنة مسك الختام tufii ا
اني مرحلة رابعة جودة
وداومت بسنة 2007 بالكلية ومأجلة سنة

طبعا الكلية التقنية من احسن الكليات بالداخل وبخارج العراق
تحياتي الك

ههههه طبعا سبب الاسئله جنت شاك ان تكونين بت شعبتي وبالفعل انتي وياي بنفس الصف بس ما ادري اذاانتي الابالي وشكرا على الاجوبه

هههههههههههههههههههههههههه
بس معرفتك عود كلي منو انت؟

اول شي نبدي بحسن الحسني واسئلتة لهواية
بالنسبة لطفولتي جنت كلش وكحة بس مو بخباثة وكاحة حلوة
بالنسبة لاخر سؤال كل الاشخاص الي ذكرتهم مهمين بحياتي ماعدا الحبيب لان ممتوفر حاليا ههههههههههههه

اول شي سوري على الاطالة عيوني سارة
وثانيا شكرا للصراحة عيوني

لاعيوني لتعتذر اني جنت بس اريد اضحكم شوية لااكثر ولا اقل وتعرفني
اني الي اشكرك لان سالتني بس هاي وين هلغيبة
سلامي

مساء الخير 3:.

ممكن انكون اصدقاء

مساء الانوار كل الهلا بيك صديق واخ عزيز

هلوو سارة حبيبتي شلوونج أخبارج أن شاءالله تمام
عجبني الموضوع كلش والأسئلة والأكثر من هذا عجبني صراحتج وسعة صدرج بالأجابة عن الأسئلة كلهة بصراحة ..
سؤال : بالبيانات الشخصية عندج وتحديدا بالموقع مكتووب شعرر او اغنية أو كلماات معبرة
منو كتبهة وألمن تكووليهة ؟؟ أو منو كالهة ألج؟؟
تحيااتي وسلامي ألج وللكل..

هلو سارة عيد سعيد وكل عام وانت بألف خير
ماعندي اسئله بس حبيت اعايدك

كل الهلا بيج العزيزة
نورتينة بوجودج
بصراحة الشعر الي موجود لكيتة بالانترنت حبيتة وسحبتة
محد كتبليا
شكرا على اسئلتج ومنورتنة بوجودج

هلووو خالد الكوتاوي
كل عام وانت بالف بالف خير يارب تحقيق الاماني والموفقية

شنو اجل شي بالكليه
وشنو اجمل شي بالعراق
منو اجمل شخص تعرفي بحياتج
شنو الامنيه اي تمنيتيها وتحققت وشنو الامنيه الي تريدين تحققيها

تحياتي الج ياورده

» ضيفة كرسي الآعترآف المشرفه █▒shsho iso▒█ الكل يسئل ضيفتنا الغالية
» الى المدير او نائب المدير ضرورة الدخول رجاءاً
» استاذ يسئل الطلاب
» ا۩ஜ۩ احمـــد IT ا۩ஜ۩ على كرسي الاعتراف ادخل واسأل العضو احمد IT
» بمناسبة عيد الام ...سلاما ايتها الغالية