فد يوم من الايام اكو واحد عراقي كالته الفكَر يعني ميت جووع ديفتر الصبحية بالعلاوي الله لا يجذبني بعده بشارع حيفا ورايح على العلاوي المهم كاتله البرد وميت جووع ديدور واحد يبيع لبلبي كاهي لآن بجيبه بس الف وربع
المهم ديفتر جان يعثر و وكع جان يشوفه شايب جان يكله من ثول اي والله جان يعوفه ويروح وهو عباله راح يكووله الله فد شي المهم
كام ديشوف عثر بشنو جان يشووف قووري مال جاي بس شنو شكله غريب كال هذا مدري وين شايفه المهم كال الا اتذكر
ظل صافن الرجال ساعة ونص لا والله ساعة و35 دقيقة بالضبط وراها جان يتذكر وين شايفه
طلع شايفه بالحلقة مال السندباد من يطب الكهف حتى ياخذ المصباح السحري المهم ما اطول عليكم كال هاي اجتني من الله
فهو كال خلي افرك المصباح حتى يطلع ويفرك ويرجع ليوره مو لازم يدفى المصباح ياله وهو الجو بارد عيني ويظل يفرك لحد العصر حتى ايده وكفت خطية جان يطلع المارد كله وثول شبيك خلصت من السندباد طلعتلي انت شتريد يلا احجي
جان الرجال يكله على كيفك خالو اشو السندباد بنيتله قصر ب3 ايام واني فوك ما طلعتك تصيح
جان يكله الجني يلا فضني شتريد سولف
كله انت تحقق 3 اماني مو
كله لا خالي هاي جان وكت مال تنزيلات وهمين بس للسندباد لآن طيح حظي وحلفت بعد ما اسويله اي امنيه بس هسه بس وحدة احجي فضني اريد اولي انام انطمر انخمد
كله الرجال اشو انت ضايج دوكف خلي افكر اذا بس وحدة مو خوش شغلى اطلب كاهي لو لبلبي لو شنو
جان يكله اتمني تصير عندي 3 امنيات ....
جان الجني يكله خلي يولن هي مال دروب الله يخليك صارلي 5648 سنة جني انت تريد تلعب عليه يلا ارنوب هي مال دروب
يلا احجي بسرعة
جان هم صفن الرجال وطلع من جيبه خريطة مال الوطن العربي
جان يكوول للجني اريد بعد ماكو فكَر ولا مشاكل ولا حروب ولا سياسية وتموتلي كل الرؤوساء بنفس اليوم
ويصير عندي بير مال نفط وبيت بالامارات وامريكا تفلس وهسه اصعد بكيا توصلني للعلاوي لآن متت برد
صفن الجني كله بله الكية سهلة هسه اأجره وتولي من هنا بس الباقيات شلون اسويهن هو انت كاتلك الفكَر
لا وفوكاها يريد بعد ماكو مشاكل بالوطن العربي لك هو اني قبل مدري كم الف سنة من انطمرت همه يتعاركون
انوب هسه كله لا خالي احجي غير شي
كله زين اريدك تعيد اللعبة مال العراق والبحرين وتخلي العراق يفووز تكدر
كله لك انت شلون بيك همزين كاتلك الفكَر كله همه جماعتنه ثولان لو اعيده 50 مرة هم يخسرون
كول غير شي
كله انت غير جني بس لا صيني انت ولك من هذا ابو الخمس سماعات
كله لا عيني دبدوب احجي اني اصلي وهذا الختم والجنسية مالتي المهم كله فضني اريد انام فد 100 سنة على السريع
المهم كله لعد شوف حالتي اذا اتغدى ما اتعشى وكاتلني الفكّر اريد اتزوج بس مدا الكي مرة تدورلي انت
جان يكله الجني يلا انطيني المواصفات شنو
جان يكول الرجال
اريده حلوة بس مو مغرورة
اريده بسيطة لا تحب الكشخة ولا شي
اريده متحجي هوايه بس المفيد
اريده مو عنودية وحبابة
اريده انيقة ومتحب تصرف
اريده تسويلي اكل 24 ساعة بلكت اسمن
اريده ......
جان رأسا الجني كله اكلك خلي اوصلك للعلاوي مو احسن بله
خخخخخخخخخخخخخ
خخخخخخخخخخ
خلص شبيكم صافنين تنتظرون فد شي بعد
يلا الله وياكم
شكر الله سعيكم
تحياتي الكم يا غاليين