فوائد السياج .......... اشبع ضحك

فوائد السياج

--------------------------------------------------------------------------------

السياج الجدار العازل بين البيوت

عزيزتي الام اختي الاب الكريم

اليوم موضوع حلقتنة عن السياج

ليش اخترعوا السياج
نظرا للتطور الحضاري الذي وصل اليه البابليون في منتصف العام الف و تسعمية و خمسطعش و قيام ثورة العشرين و اكمال الفراعنة لبناء ابو الهول (يمة اخترعت) و انشاء عمورابي نسلته المشهورة طبعا مو هوة كاتبهة لان حمورابي ميعرف يحشش اكيد خامطهة من غير منتدى المهم هذة مو موضوعنة نظرا لكل هاي الشغلات استخدموا السياج لمنع العدو الفارسي من التطفل على بيت جيرانه الايراني و هذا هو السبب الحقيقي لاختراع السياج
اصل كلمة السياج:اصل هاي الكلمة هوة دجاج لان بيت ام علي جان عدهم ديج طايح حظ و صايع و جان دائما يتفرج علة بت جيرانهم ف كلمة سياج مشتقة من كلمة دجاج

فوائد السياج
دجاج بيت ام مصطفى مراح يكدرون يتحارشون ابزونتنة لان مثل ما تعرفون بزونتنة حلوة و تخبل و طالعة علية و هذولة دجاجهم صايعين و يجوز يفسدوهة للبنية و تصير موبايلات و عضام و هيج سوالف

تكدر تصنع سيارة مكفخة بالكراج و محد يدري بيك هاي مو الية يمعودين لتجيبولي شبهة هاي الفائدة بس لابو مصعب

تلعب طوبة براحتك بدون ماتخاف من ابو زياد يشك الطوبة لان خبلني حتة اذا اشمر الطوبة علة غير بيت هم يطلع ركض يشكهة اذا العب بحديقتنة هم يطردني

مضار السياج
مراح تكدر تشبع فضولك بانه تتفرج علة بيت جيرانكم و ما شاء اللع احنة بس نسمع بزونة جيرانة سوت قاق قاق راسن ناخذ مواقعنة حتة نعرف شكو ماكو ؟؟؟

من راح يجي حرامي يشوف سياج و هوسة راح يصير فضولي و يكول اكي هذولة زناكين بينما من يشوف ماكو سياج ينكسر واهسة خطية و يرجع خائبا و يكول هذولة اكيد فلاس وجع راس علمود هاي احنة ناصبين خيمة و كاعدين بالخرابة اللي بصفنة

بشرفكم اذا عدنة زبل زايد وين نشمرة قابل ننطي لابو الزبل؟؟؟ و ياخذ من عدنة 100 دينار مستحييييييييييييييييييييييل راح نشمرة علة على الحديقة الي بصفنة بحجة انه عدهم دجاج ياكلون زبل بس هاي بالكوة نسويهة لان اكو سياج و لازم نراقب و ما اعرف شنو و ابوية يوكف بالسطح و اخوية يوكف ورة الباب يعني شغلة طويلة بينما لو ماكو سياج جان اشمرة و افلت بسهولة

نقطة مشتركة مضرة و مفيدة

من راح تطلع بنت الجيران تشر هدوم انتة لازم توكف بالطرمة و تفتح الموبايل على اعلة نغمة عندك و تهز الكذلة شوية و اذا ماكو شعر سوي ميوووووووو ميووووووووووو بس بس بس بس المهم مو الة ميو ميو هية حسب فصيلتك و هذة الشي مفيد لبعض العالم و مضر