اب يرثي ابنه الذي توفي في حادث ...................

هذه مرثية اب في ابنه بعد ما وافته المنية اثر حادث
لليلة عيد الفطر وهو قادم لقظاء العيد مع اسرته
في احدى المحفظات بين الرياض والجنوب.......
قال فيها....


نهار ثالث غقب عيد رمضاني
ناس عطاها الله وناس محرومـــه
احد قضى عيده سلام وتهــــــاني
واحدن توصله الكواكب همــــومه
صادفت صدفه من صدوف الزماني
منها قوي الحيل تفتر عـــــــزومه
هذا زمان الهم والامــــــــــــتحاني
وقت على قلبي تعاقب سهومه
الاوله كامل جميع المعــــــــــاني
مزبن المظيوم شرع الخصــومه
محمد الي في القسا واللــــياني
عقبه سمايه غايبات نجــــــومه
والثانيه باقرب قريب ودانــــــــي
خامس عيالي يوم جتني علومه
قالو مابين الخاصره وحلبانـــــي
ولدك مات اللي ترجي قدومــــه
جاء يومه الموعود باربع ثوانـــي
قلت السبب قالو دنى منه يومه
علم على الكبد الصخيفه كواني
كيت عطب ما تنشكى للحكومه
تهشمت كل الضلوع المحانـــي
مفجوع والمفجوع محدن يلـومه
اخذت لي ساعة وانا في مكاني
حسبت لي عشرين طيحه وقومه
وليا بغيت الهرج ييبس لسانــي
والذاكره عندي تقول معـــــــدومه
قمت اتلفت واتسمع باذانــــي
من شاف حالي ما تهنى بنـــومه
مما بقلبي رحت بالليل عانــي
للموتر الي ما بقى الا رســــــومه
عن روحتي ياليت ربي نهانـي
ولا شفت دمه سايح في هــــدومه
قمت ودفنته والله المستعاني
في خرقت(ن)بيظاء عليه محزمــوه
يوم الجنوب بلاد قحطانــــــي
والحر غير لون وجهي سمومـــــــه
واقفيت من عنده وعشري ثماني
مثل المصبح والبلاد محكـــــــــومه
والله لولا اني وسبع البطاني
لا صكها مثل اشقر الريش حومه
طاوعت نفسي مير عقلي قواني
عن الخطا ما فيه نفس معصومه
نسال الله ان يتقبله

عاشت الايادي