1-فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف \\ احترمت نفسهه وراحت لبيت اهلها!!!!!هههههههههههه
2-اكو وحده كلش خجوله وحيل تستحي.. ولما تزوجت كانت تخجل حتى تحجي ويه زوجهه.. وكانوا النسوان يلومونها على هالخجل الزايد ويقولون لها لازم تحجين ويه زوجك و تشاقين وياه.. وصممت المرأة على كسر هالحاجز من الخجل الزايد ...ومره من المرات هي وزوجها بالسطح يوم اجه الزوج يريد ينزل من الدرج ألا وهي ركضت بسرعه ودفعته وهي تتمضحك.. وكع المسكين من الدرج الى ان وصل آخر درجة مكسر رفع راسه عليهه وهيه تضحك وتكله اشاقه اشاقه.
3-واكو وحده في الاسبوع الاول من زواجها حلمت هيه تلعب ويه اخوانهه وكام اخوهه الزغير واخذ شي من اغراضهه وكامت لحكته حتى لزمته وكامت تضربه واتخنكه.. من كعدت لكت روحهه تضرب برجلهه!!
4-اكو بنيه عندها خوات أكبر منها وأصغر منها وهي توهه
مخلصه الاعداديه وبالبيت كل يوم الدور على وحدة من البنات تطبخ وبعدين ترمي الزبالة عند الباب المهم جا دورهالبنيه اللي أحجي عليهه كانت سهرانه مع اخواتها الى الساعة 2الصبح وبعدها خواتهه راحو ينامون فوك.. وهي كعدت تنظف المطبخ وتعزل البيت.. وكامت وطلعت الزباله عند الباب..المهم البنيه كالت ليش أحطها عند الباب خليني أصير سبعه وأذبهه بالحاويه أحسن..** وطلعت بره بالشارع وكان الشارع ما بيه احد وكانت الساعة حوالي 30_ 3المهـــم
من طلعت تذب الزباله قفل باب بيتهم . وكعدت المسكينه بالشارع...فكرت تدك الجرس خافت أبوها يبسطهه. ويسويلهه شي لأن أبوها ميتفاهم... وهي بالشارع ما لابسه غير اهدوم البيت ..
سمعت أكو صوت يقترب منها .. صوت سيارة !! كامت مسكت الزبالة وكلبتهه ودخلت جواهه \\\ كان اللي جاي ابن الجيران .. كان توه جاي من الشغل..المهــم جا ابن الجيران وكف السيارة وطلع المفتاح حتى يدخل للبيت هنا سمع صوت يتحرك بالزباله !!
وأستغرب إن الزباله مكلوبة وقريبه على الحاويه وتتحرك كام وقرب من عدهه... وحط ايده على الجيس
وهيه صرخت وكالت : لالالالا.قال : بسم الله الرحمن الرحيم..أنتي إنس ولا جن انتي منين طلعتليلي
كالتله لا اني مو جنيه \\ كال إنتي شجابك أهنا ؟؟
وكالت له القصة وهي متغطيه بالزباله وترجت ابن الجيران يساعدها كال خلاص لاتخافين كام قرب سيارته من باب البيت وركب فوق السيارة كمز وفتح للبنيه الباب.. وكاللهه:ادخلي بسرعة لاحد يشوفك كامت مسكينة ماصدقت رمت كيس الزبالة.. وباوعت على ابن جيرانهم بخجل
ودخلت وقفلت الباب بسرعه حتى ما كالتله شكرا...وابن الجيران واكف ماتحرك
صافن عليه... المهم. مامر على هالسالفة يومين إلا اجه وخطبها
من أبوها وتزوجها . والله قصة زواج غريبة وعلى فكرة
ترى هايه القصه. حقيقية وصارت صدك بس مو عدنه \\\