تدرون ليش الخنفسانة طول عمرهة لابسة اسود\

في يوم من الايام قررت الخنفسانه ان تتزوج فكعدت بباب القلعه وكالت اي واحد يمر منا حسئله يتزوجني وهي جالسه تنتظروتنتظر
جان يجي فلاح كالت ياالله اجى العريس ....فامن وصل سئلته الخنفوسه تتزوجني؟؟؟(بله شون دبرتيها خنفسانه تزوج فلاح)
كال الفلاح اي!!!جان تسئله الخنفوسه زيــن من نتعارك بشنو تكتلني ؟؟؟كالها الفلاح والله اجعصج بهل كرك
جان تكوله لاعيني مريد روح متزوجك


وكعدت تنتظر غير عريس يمر
وجان يجي حصان هم سئلته تزوجني؟؟؟
(اي هذا بيها مجال تزوجيه)
كالها اي ....كالتله ومن نتعارك بشنو تكتلني
كالها اجعصج برجلي جعص....كلتله لاعيني شلي بيك روح ماريدك



وهم كعدت تنتظر.......
جان يجي جلب هم سئلت تزوجني؟؟؟كال اي
كالت ومن نتعرك بشنو تكتلني كالها والله اعضج لحد ماتموتين
هم رفضت الخنفوسه الحلوه ان تزوجه

وكعدت تنتظر الى ان اجى اسير القلب
جان يجي ابو بريصي...
كالته تزوجني ؟؟؟كالها اي
(ونفس سؤال) من نتعارك بشنو تكتلني
كالها ادغدغج بذيلي
هي فرحت وكالته اي ازوجك
وزوجوا الابو بريصي الخنفوسه الحلوة


وجابوا ابو بريصيات وخنافيس يخبلون فدوه لله



اما الابو بريصي الاب فجان يجيب الاكل لاهل بطريقه خطرة
لان جان يذب روحه بكونيت شكر لوتمن او اي شي فأهل البيت يذبوها فهو وجهاله ومرته خنفوسه ياخذوها الهم
وفي يوم من الايام راح لشغله هذا الخطر
جان شيسوي .....جان يذب روحه ......بالشيشه مال راشي....وختنك ومات الابو بريصي حبيب القلب



ولهذا سبب ظلت الخنفسانه لابسه اسود طول حياتها
لان تحبه الابو بريصي حيــــل



وهاي هيه قصة الحب العظيمه الي دخلت التاريخ
عودين احجوها لاطفالكم واخوتكم صغار


وتحياتي....... وانشالله تعجبكم القصة

تسلمين يا جوداوية على القصة كلش جميلة
او همزين هسة يلة عرفت ليش الخنفسانة لابسة اسود

يسلموووووووووو عاشت الايادي